“बच्चु कैलाशका गीतहरु!”----Bachchu Kailash Songs

“बच्चु कैलाशका गीतहरु!”

Compiled by Rabin Rai, jan,2014.

Song List

1.         BAHAKINDO MAN TA BAHAKI NA JA

2.         TYO ANKHALE LAUNA MALAI MARYO

3.         MAYALE MERO MAYALE TADAI BASE PANI

4.         TADA TADA JANU CHA SATHI

5.         JUNELI RAATMA DILA KHOLI

6.         CHARILE BOLYO

7.         MAYA MAILE BOLAUNA

8.         BIRSEKO VAYE BITEKA KURA

9.         AAKASH BATA MA UDI

10.       KAHILE KAHI RUNE MERO GEET

11.       KO HO RE KO HO MUTU

12.       KASARI TUKRI GAYI GAYE YO KURA BINTI

13.       PARKHERA BASA TYO DADA PARI

14.       KALPANA KO GAGAN MUSKURAUNE

15.       MA PHULA HAINA

16.       HANS KHEL GARDA BASECHA DILA

17.       PAHARAMA BASA BASI JHARANAKO PANI

18.       ANKHAI BHARI MUTU BHARI

19.       CHANDRAMA TIMI BANI

20.       KOILIKO SWOR CHOREKO TIMILE

21.       MERO MANKO MADHUR GEETA MA TIMRO

22.       NABHANI DEU MERO MAYA CHA BHANERA

23.       BIRSANA HAINA HAMILE PIRATI LAYEKO

24.       YO HO GEETA TIMILAI YO HO PRITA TIMILAI

25.       RUNCHU NABHANA SAMJI MALAI

26.       HRIDAYA BHARIKO MERO SUVAKAMANA

27.       TIMLE TA HAINA TIMRA BHAKAHARULE

28.       HERA HAMRO DESH KATI RAMRO

29.       SAMJHANA KO DHAR LE

30.       PHULA TIPERA MAYAKO CHADAUDAI CHU

31.       UKALIMA KALLE GAYO GEETA SUNA RE

32.       HRIDAYA RINGAYERA BACHA JAB MADALA

33.       HRIDAYA MA BAATA HUNCCHAN

34.       KOYELI GAUNLA  BAN GUNJAULA

1.      BAHAKINDO MAN TA BAHAKI NA JA

Lyrics &  Music BACHHU KAILASH

बहकिँदो मन तँ बहकी न जा

मायाको देश कहाँ छ कहाँ

आश नदेखा ए चंचल हवा

लहलह यो फूलमा छ फुलेको के

टहटह यो जुनमा छ मिलेको के

कलकल खोला चुल्बुल यो मन

आखिर मैले छ पाएको के

आँखामा आँशु छ मनमा ब्यथा

आश नदेखा ए चंचल हवा

पलपल यो बादलको बद्लिंदो रुप

खल्बल् गगनमा यो मनमा छ खुब

टाढाको माया नजिकै छायाँ

चोट छ दिलमा छ यो ओंठ चुप

यही नै हो मेरो जीवन कथा

आश नदेखा ए चंचल हवा

2.      TYO ANKHALE LAUNA MALAI MARYO

Lyrics &  Music BACHHU KAILASH

त्यो आँखाले लौन मलाई मार्यो

त्यो बोलीले लौन लाटो पर्यो

त्यो हाँसोलाई बिर्सनलाई धेरै गार्हो

तिमी मलाई जिन्दगीमा कस्तो प्यारो

एक्लै बसी दिउँसै पनि सपनामा देख्ने भएँ

आफैसित साँझ बिहान गुनासोमा पोखाइरहेँ

कहिले खोला जस्तो भएँ कहिले हावा जस्तो भएँ

जे जे भएँ आखिरमा तिम्रै निम्ति यस्तो भएँ

कलेजी समाउनेले नै मार्यो

मलाई हेरी टोल्याउनेले मार्यो

रुपको पनि नशा हुन्छ यो त मलाई थाह थिएन

परेलीको भाषा हुन्छयो पनि त  थाहै थिएन

आँखा आँखा जुझिदिन्छ मुटु मुटु अल्झिदिन्छ

यस्तो पनि हुँदो रहेछयस्तो मलाई थाहै थिएन

घुम्टोबाट चियाउनेले नै मार्यो

झझल्कोमा  आउनेले नै मार्यो

3.      MAYALE MERO MAYALE TADAI BASE PANI

Music : BACHHU KAILASH

Lyrics: MA.BI.BI.SHAH

मायाले मेरो मायालेटाढै बसे पनि

नसंझेरै पनि रुवाऊछ किन यो मायाले

ओंठको हाँसो खोसेर लग्यो पापीले

संझनामात्र छोडेर गयो बैगुनीले

आकाशभरि आकाशभरिका ती तारा घर फर्किए

मेरो त साथी फर्केन घर  पर्खिएँ

4.      TADA TADA JANU CHA SATHI

Lyrics & Music: BACHHU KAILASH

टाढा टाढा जानू छ साथी एकफेर हाँसिदेऊ

छुटिसकेको मायालाई साथी एकफेर गाँसिदेऊ

यो फूलबारी उजाडिएला केहि छिन बसेथ्यौं

बहानै सही आँखामा आँशु लिएर रोएथ्यौं

कहीँ गएर अल्मलिएर भूलेर बसौंला

कहिलेकाहिँ संझना आए रोएर टारौंला

5.      JUNELI RAATMA DILA KHOLI

Lyrics & Music: BACHHU KAILASH

जूनेली रातमा दिल खोली

दोहोरी गाउन मन लाग्यो

यो ठाऊँमा नमर्ने

पिरती गाँस्न मन लाग्यो

दोहोरी गाउन मन लाग्यो

कलकल नदीको तालमा

चिर्विर चरिकको बोलमा

सुरिलो भाका छोपेर

गाउन मलाई मन लाग्यो

नाचन मलाई मन लाग्यो

आकाशको जूनले धर्तीको कुना कुनामा

रसिलो  माया  लाए झैं

यो देशकोक कण कणमा

यो ठाऊँमा नमर्ने पिरती गाँस्न मन लाग्यो

दोहोरी गाउन मन लाग्यो

सगरको माझमा चम्कि बस्ने तारालाई

घरमाथिको लेकमा बोलाई हेर्न मन लाग्यो

सँग सँगै खेल्न मन लाग्यो

यो ठाऊँमा नमर्ने पिरती गाँस्न मन लाग्यो

दोहोरी गाउन मन लाग्यो

6.      CHARILE BOLYO

Lyrics &  Music BACHHU KAILASH

चरीले बोल्यो के बोल्यो बुझ्ने को र

भुरुभुरु उडी गइहाल्छ कतैतिरगइहाल्छ कतैतिर

पहराको ढुंगामा बस्छ किन

छहराको गीतमा झुल्छ किन

कुन कुन देशमा घुमी फिरि

फेरि यहाँ आएर रुन्छ किन

यो कस्तो कथा हो यो कस्तो ब्यथा हो

यो कस्तो अनौठो जीवन

उडिजाने पखेरु जान्छ कहाँ

यहाँपर काँ छ र पुग्ने कहाँ

यति ठूलो आकाश वरिपरि

कुन नव संसार खोज्छ यहाँ

यो मिलन पो हो कि यो बिछोड पो हो कि

या केही नहुनुको नशा

7.      MAYA MAILE BOLAUNA

Lyrics &  Music BACHHU KAILASH

माया मैले बोलाउनू हुन्छ कि हुँदैन

तिमीलाई मैले केहि भन्न हुन्छ कि हुँदैन

चन्द्रमा हेरी संझिनु हुन्छ कि हुँदैन

कल्पना गरी कल्पिनु हुन्छ कि हुँदैन

बादल पारि संसार छ रे मैले त भेटिनँ

फुलेको यौवन वइलि नझर्ने ठाउँ नै देखिनँ

संसार यही बसाउनु हुन्छ कि हुँदैन

एउटा सानो फूलको थुंगा हातमा लिऊँला

तिमीले माने त्यो फूलकोक थुँगा तिमीलाई दिऊँला

केही बिन्ति सुनाउनु हुन्छ कि हुँदैन

8.      BIRSEKO VAYE BITEKA KURA

Music: BACHHU KAILASH  Lyrics: MA.BI.BI.SHAHA

बिर्सेको भए बितेका कुरा पापीको मनले

संझायो होला पुरानो माया त्यो चिसो हावाले

लेकाली फूल शीतका थोपा फूलका मुनाले

बिउँझ्यायो होला सुतेको माया बिहानी पखले

त्यो मुटुबीच गडेको याद जमेको हिऊँले

संझायो होला पुरानो माया चर्केको घामले

उडेको देखी जुरेली जोडी आकाश रंगले

बिउँझ्यायो होला सुतेको माया  साँझको यामले

संझायो होला पुरानो माया त्यो चिसो हावाले

सुतेको बेला सपना देखी खुलेको आँखाले

संझायो होला पुरानो माया जूनको छायाँले

बगेका गाजल नयनबाट निस्केका आँशुले

बिउँझ्यायो होला सुतेको माया पुरानो यादले

संझायो होला पुरानो माया त्यो चिसो हावाले

9.      AAKASH BATA MA UDI

Music: BACHHU KAILASH   Lyrics: SHANTI SING

आकाशबाट म उडी आउने थिएँ नभुली

तिमीले मलाई प्रीती दिए एकफेर मात्रै डाकिदिए

एकलासे वन एक्लो छ मन

जीवन बग्दो पानी टुट्दो एक कहानी

अनि झर्दो जवानी तिमीले मेरो हात थामिदिए

वचन मानिदिए हाँस्थ्यो कि जिन्दगानी

मुटुको धड्कन बनेर यौवनको तड्पन बनेर

तिमीले ममा छाइदिए स्वपना बनेर आइदिए

आऊँला म एकदिन तिमीलाई खोज्न

रोज्न फूलको माझमा थाकी घाममा बास बस्न साँझमा

तिमीले मलाई रुने ठाऊँ दिए लुक्ने ठाऊँ दिएघुम्टोको माझमा

जुनेली रात हेरेर आँगनमा एक्लै बसेर

तिमीले मलाई संझिदिए संझेर एकफेर रोइदिए

10.  KAHILE KAHI RUNE MERO GEET

Lyrics &  Music BACHHU KAILASH

कैले काहिँ रुने मेरो गीत हराएछ

संझी संझी रुने संझना हराएछ

मुटुभित्र राखेको माया हराएछ

आज मेरो जिन्दगीको छायाँ हराएछ

सकिनँ मैले फूलको पातमा दुई थोपा आँशुले

पिरती मेरो लेखन कोर्न टुटेको भाकाले

आज मलाई जोबनको लोभ कति छैन

मै मरेर के हुने हो शोक कति छैन

एकान्तमा अलमल्लिने भाव हराएछ

मन यो बहलाउने गुनगुन हराएछ

मुटुभित्र राखेको माया हराएछ

आज मेरो जिन्दगीको छायाँ हराएछ

तिमी भए संसार मिल्छसँगसँगै देह जल्छ

झूठो वचन बोलिदिएछौ फूलको मन पोलिदिएछौ

आज मलाई कोही छक्काएर जान्छ

कोही मेरो पिरतीलाई लत्याएर जान्छ

भेट होला भन्दा भन्दै बैंश हराएछ

आज हिंड्दा हिंड्दै गोरेटो हराएछ

मुटुभित्र राखेको माया हराएछ

आज मेरो जिन्दगीको छायाँ हराएछ

11.  KO HO RE KO HO MUTU

Music: BACHHU KAILASH Lyrics: SHANTI SING

११) को हो रे को हो

मुटुमा मेरो माया भै बसेको

जहाँ नै जाऊँ जिन्दगी भरि छायाँ भई बसेको

झसंग पार्ने एकान्त ठाऊँमा कोइलीको स्वरमा

पिरती लाउने बिहानी पख फूलेको फूलमा

को हो रे को होरातमा मेरो जून भै खसेको

जहाँ नै जाऊँ जिन्दगी भरि छायाँ भई बसेको

खाएको छैन कसम कैले दुई हात थामेर

रोएको छैन गुनासो गरी अंगालो हालेर

को हो रे को हो परेली भित्र आँशु भै पसेको

जहाँ नै जाऊँ जिन्दगी भरि छायाँ भई बसेको

12.  KASARI TUKRI GAYI GAYE YO KURA BINTI

Lyrics &  Music BACHHU KAILASH

कसरी टुक्री गइगएँ यो कुरा बिन्ति नसोध

किन म यस्तो भइगएँ यो कुरा बिन्ति नसोध

यो छातिमा कतिले टेकीगए कतिले मलाई लुटिगए

भागेर जाऊँ म कहाँ धर्ती यहाँ मेरो प्रीत यहाँ

कसरी जल्दै गइगएँ यो कुरा बिन्ति नसोध

छोडी आएँ म हाँस्ने खेल्ने किनारा अर्को किनारा  टाढा छ टाढा छ

टाढा छ मेरो रोइरहने प्रीत मदेखि धेरै टाढा छ

कसरी टुट्दै गइगएँ यो कुरा बिन्ति नसोध

13.  PARKHERA BASA TYO DADA PARI

Lyrics &  Music BACHHU KAILASH

पर्खेर बस त्यो डाँडापारी म अवश्यै आउँछु

कुरेर बस यो डाँडावारी म गीत गाउँछु

पिलपिले साँझको भोलि ननिभी हुँदैन

वारी र पारी बिछोड सँधै कसैको हुँदैन

हृदयको आखिरी भाषा माया हो भनेर

गाँसेर बस प्रीतिका फूल मालामा उनेर

अवश्यै आउँछु कुरेर बस यो डाँडावारी

म गीत गाउँछुपर्खेर बस त्यो डाँडापारी

म अवश्यै आउँछु

शीतका थोपा परेका मुना फूलको शरिरले

दुई थोपा आँशु जडेर राख निस्केका आँखा मै

हुँदैन सँधै जुनेली रात प्रकृति तमाम

नलेऊ पीर नलेऊ सुर्ता बिछोडको घडीमा

अवश्यै आउँछु

कुरेर बस यो डाँडावारी म गीत गाउँछु

पर्खेर बस त्यो डाँडापारी म अवश्यै आउँछु

14.  KALPANA KO GAGAN MUSKURAUNE

Lyrics &  Music BACHHU KAILASH

कल्पनाको गगन

मुस्कुराउने चन्द्र बन न

कैले होला त्यो दिन

जब होला मीठो मिलन

साउने झरी कुर्ली कर्ली भदौ पनि लाग्यो

लाग्छ शरद हट्छ बादल किन्तु आँशु झरी भै रह्यो

आँशु कैले थामिने मनको घाउ कैले पलाउने

पीर लिई दुब्लाएर छैन भोक निंद्रा

खोक्रो जस्तो शरिर भई छियाछिया मन भो होला

रुँदी होली बसेर मनको पीर एक्लै गाएर

बन्धनको क्यानरीले गाउँछ मीठो गीत

सुखी छ कि दुखी छ त्यो थाह कस्ले पाउन सक्छ र

देख्छन् सबले हाँसेको देख्छ कल्ले मन जलेको

15.  MA PHULA HAINA

Lyrics &  Music BACHHU KAILASH

म  फूल होइन मानिस भएँ विरह बोल्दछु

शीतको थोपा पर्दैन ममाम आँशु खोल्दछु

दिल हो मेरो अल्झिन्छ कहिँ

कहिँ खान्छ ठक्कर

झन चोट खान्छ झन् हु्न्छ कोमल

बन्दैन पत्थर

आकाश जस्तो हृदय रित्तो मैले पाइनँ

हेरी जो देख्छु देख्दिनँ भन्ने भावना पाइनँ

शीतको थोपा पर्दैन ममाम आँशु खोल्दछु

म एकछिन को घटना होइन चटक्क बिर्सन

खोलाको कलकल चुलबुल होइन म एक तिर्सना

इन्द्रेणी रंग मसँग छैन यौवन सिंगार्न

दुई शब्द मेरो के पुग्दैन र तिमीलाई पुकार्न

16.  HANS KHEL GARDA BASECHA DILA

Lyrics &  Music BACHHU KAILASH

हाँस खेल गर्दा बसेछ दिल संझाउने कसरी

बेमानी रैछौ नभन मलाई बिर्सनु कसरी

आँखाले दियो मुटुले थाम्यो कसैले देखेन

मायाको कुरा मायाले बुझ्यो अरुले बुझेन

मादल यहाँ बजेको छैन मन लाग्छ नाचूँ कि

संसारको सारा सुखलाई त्यागी तिमीलाई रोजूँ कि

एक बाजि हाम्रो भइहाल्यो भेट सधैं नै भेटौंला

मनमा कुरा छन जति बाँकी ती सबै कहूँला

अप्ठेरो होला संकोच होला प्रीत को मामिला

केही होइन जस्तो नक्कल गरे मन तिम्रो रोइदेला

यसरी एउटै भएर छुट्टिनु कसरी

17.  PAHARAMA BASA BASI JHARANAKO PANI

MUSIC: BACHHU KAILASH  LYRICS: HEM HAMAL

पहरामा बास बसी छहराको पानी पिऊँला

सँग सँगै जिउन पाए जीवन हाँस्दै काटिदिऊँला

सुनकोशी को पानी जस्तै चोखो प्रीत लाउन पाए

दुई खोलाको दोभान जस्तै सधै भरि भेटन पाए

तेलकासा खेल्दै वनमा कन्दरामा गीत गाऊँला

सँग सँगै जिउन पाए जीवन हाँस्दै काटिदिऊँला

दुई छातिको दुइटा मुटुसाटिवरी राख्न पाए

चन्द्रमा र चाँदनी झैं एकार्का हुन पाए

जुनेली भई हामी दुवै रातभरि टल्किदिऊँला

सँग सँगै जिउन पाए जीवन हाँस्दै काटिदिऊँला

18.  ANKHAI BHARI MUTU BHARI

Lyrics &  Music BACHHU KAILASH

आँखैभरि

दुई ओंठै भरि

मायालुको माया बस्यो छातिभरि

रातैभरिऔ दिनैभरि

दर्शनको प्यास बस्यो जिन्दगी भरि

चन्द्रमा र चखेवा झैं हाम्रो भेट हुन्छ

कमल र भवरा झैं हाम्रो कुरा हुन्छ

उसको मेरो मिलनमा सुखै सुख हुन्छ

आशै गरी विश्वासै गरी

उसको मलाई आश बस्यो सधैं भरि

एउटा मुटु दुइटा पारी दुइटा हामी हुन्छौ

विषभरि प्याला दिए सँगसँगै पिउँछौ

एउटै छहारीको मुनि जीवनबिताइदिन्छौ

लेकभरि हो बेसभरिउसको मेरो प्रीति फुल्यो संसारैभरि

19.  CHANDRAMA TIMI BANI

Lyrics &  Music BACHHU KAILASH

चन्द्रमा तिमी बनिरहू

जिन्दगीभर म जून बनूँला

हृदयमा मेरो तिमी रहे

ढुकढकी भई म धड्किरहूँला

पर्दैन जंजीर नाताको

हाँसो वा आँशु केही पनि

रुप तिमी बनिरहे छायाँ भई म सँगै रहूँला

पर्दैन कलकल नदीको

सन्ध्याको सुखमय याम पनि

मौन यी आँखापिच्छै

तिमीलाई टाँसी टाँसिरहूँला

20.  KOILIKO SWOR CHOREKO TIMILE

Lyrics &  Music BACHHU KAILASH

कोइलीको स्वर चोरेको तिमीले

कसरी होला यो मेरो मुटु चोरेको तिमीले

यसरी होला सुनेर जाऊ न

बादलबाट चियाउँदछौ तिमी जुनेली बनी संगिनी बनी

आँखामा पनि आउँदछौ तिमी सपना बनी बिपना बनी

बिपना पनि सपना जस्तो कसरी होला यो मेरो मुटु चोरेको तिमीले

यसरी होला सुनेर जाऊ न

बिर्सेको भाका संझेर गाइदेऊ आकाश ढाक्ने पिरती लाइदेऊ

पात नबोल्दै शीत नगल्दै मुटुको घाउ मुटुले छोइदेऊ

मलाई घायल पारेको तिमीले कसरी होला यो मेरो मुटु चोरेको तिमीले

यसरी होला सुनेर जाऊ न

21.  MERO MANKO MADHUR GEETA MA TIMRO

Lyrics &  Music BACHHU KAILASH

मेरो मनको मधुर गीतमा तिम्रो संगीत बजिरहोस्

उर्लिरहोस् प्रीति हृदयमा जीवन आशा छल्किरहोस्

मेरो प्यारको नयाँ मुनामा तिम्रो माया बिन्दु परोस्

निर्मल नीलो आकाश झैं हाम्रो माया विशाल होस्

मेरो मुटुको माझमा तिम्रो धड्कन चलिरहोस्

शरिर दुई मन एक भई सपना विपना बनिरहोस्

22.  NABHANI DEU MERO MAYA CHA BHANERA

Lyrics &  Music BACHHU KAILASH

नभनिदेऊ मेरो माया छ भनेर

मेरो पनि कोहि यहाँ छ भनेर

मैले हाँस्न खोजें भनें फूल वइलिदिन्छ

मैले बाँच्न खोजें भनें रात फैलिदिन्छ

के गर्नू र मेरो भाग्य मेरो भाग्य यस्तै छ यस्तै छ

मेरो कथालाई खोज्यौ भने धुलैधुल मिल्छ

जिन्दगी यो रोज्यौ भने भूलै भूल मिल्छ

अहिले पनि दिल मेरो दुख्तैछ दुख्तैछ

23.  BIRSANA HAINA HAMILE PIRATI LAYEKO

Lyrics &  Music BACHHU KAILASH

बिर्सन होइन हामीले पिेरती लाएको

वचन खाएकोदुई जना मिलेरसंसार हामीले पाएको

मनले मनलाई बाँधेको छ तनले तनलाई बाँधेको

छएउटाले अर्कोलाई चिनेको छपिरती पिरती मिलेको छ

तिमी आँखा नखोल सपना बोकेर म आउँछु

सुस्तरी निदरी बनेर

दुई जना मिलेरसंसार हामीले पाएको

भोलिको दिन पर छ पर आजैको दिन तिमी हाँसिदेऊ

पग्लेर जाने यो जोवन हो रे आजैको दिन सम्हालेर लेऊ

दिल दिलको भयो मितेरी जीवनभरिको चरीको सरिको गरेर

24.  YO HO GEETA TIMILAI YO HO PRITA TIMILAI

Music: BACHHU KAILASH Lyrics: SHANTI SING

यो हो गीत तिमीलाई यो हो प्रीत तिमीलाई

सपनामा कथेथें बिपना गाएछु

संझीलेउ फररहृदयको पाना गनेर

उडिहिंड्ने चरीले  नाचिहिंड्ने परीले

मनको कुरा जानिनँ हात मेरो थामिनँ

आएको छु मायालु दिन्छौ कि त मलाई शरण

पछ्यौरीको छेउमा मुटु मेरो अल्झेको

हाँसो खेल्ने ओंठमा विरह छ बसेको

दिलमा चैन छैन हजूर आँखामा छ आँशु बरबर

आश मेरो लामो छ जिन्दगी यो छोटोछ

तिमीलाई पाउनेमात्र एक धोको छ

कोसेली यो मायाको बिन्ति छ है फिर्ता नगर

25.  RUNCHU NABHANA SAMJI MALAI

Lyrics &  Music BACHHU KAILASH

रुन्छु नभन

संझी मलाई जुनेली रातैमा

भेटी मलाई सपनाको देशैमा

विरही बन्छु नभन

मन मनको पूजा हो यो

तिमीलाई छ सदा मेरो प्यार

तिमी हाँसिरहू त्यो किनार

म बाँचिरहूँ यो किनार

परेलीमा तिमीलाई राखी निदाऊँला

बिहानीको जुनमा बिउँझी बोलाऊँला

बिहानीको बिहानीको जुनमा बिउँझी बोलाऊँला

जब फूलहरु रोइदिन्छन

तिमी त्यहाँ गइहेर्नू

मेरा जीवन सपनाहरु

त्यही फूलसँग सोध्नू

तिमी आउने बाटोमा हेरिबसूँला

आउने साथी आइदेऊ कुरिबसूँला

26.  HRIDAYA BHARIKO MERO SUVAKAMANA

Music: NATIKAJI/SHIVASANKAR Lyrics: KIRAN KHAREL

हृदय भरिको मेरो शुभकामना तिमीलाई

शुभकामना तिमीलाई

मेरो उमेर लिएर तिमी धेरै बर्ष बाँच

म तिम्रो आँशू लिन्छु तिमी सुखसँग हाँस

हिंजोको दिन बितिसक्यो हिंजो त एक कहानी हो

आजै हामी बाँच्नुपर्छ यो आउने बिहानी हो

अँध्यारोमै रम्दछु म तिम्रो छेउ बत्ती बलोस

भोलि फेरि लाग्ने घामले तिम्रो आँगन झलमल होस

जीवन हो यो जीवनमा धेरै थोक सहनुपर्छ

छातिभरि आँधी रोकी  चुप लागि बस्नुपर्छ

पीर जति छ  म लिन्छु  तिमीलाई खुशी जाऊन्

तिमी हिंडने बाटोभरि वसन्ती फूल छाऊन

27.  TIMLE TA HAINA TIMRA BHAKAHARULE

Music: NATIKAJI Lyrics: CHETRA PRATAP ADHIKARI

तिमीले त होइन तिम्रा भाकाहरुले

मेरो मुटु छोइसकेछन्

मैल पनि होइन मेरा आँखाहरुले

तिम्रो लागि रोइसकेछन्

त्यसै त्यसै कस्तो गाढा

माया बसेको

धुँदा पनि जाँदै नजाने

माया भन्ने यस्तो हो कि मलाई मात्र यस्तो

रुँदा पनि जाँदै नजाने

एकोहोरो माया हो कि के भनेर सोधूँ

मलाई पीर पर्नु पर्यो नि

सपनीमा त्यति गाढा

बिपनीमा टाढा

यो मायाले गर्नु गर्यो नि

28.  HERA HAMRO DESH KATI RAMRO

हेर हाम्रो देश कति राम्रो

जहाँ धरती गगन मिलेको छ

जहाँ एकले अर्को सँग

अमर माया गाँसेको छ

हामी यहाँको ढुंगालाई

टुक्रा हीराको संझन्छौ

माटोको सानो चुलीलाई

मुटुको टुक्रा संझन्छौ

जहाँ पुर्खाहरु शहीद भए

त्यहाँ  आज फूल फुलेको छ

हामीलाई हाम्रै भर छ

कसैको आड चाहिन्न

वीरको छाति लाख छ

कसैको केही चाहिन्न

जहाँ आज हामी टेकेका छौं

त्यहाँ रगतले भिजेको छ

29.  SAMJHANA KO DHAR LE

संझनाको धारले  कल्पनाको छातिमा

पार्यो छिया मायाले सपनी जुनीमा

पूर्णिमाको रातमा गर्मीको याममा

बादलुले पोखेको सिमसिमे पानीमा

त्यो नीलो नभमा बादलुको आडमा

चन्द्रमाको चाँदनी पर्वतमालामा

पार्यो छिया मायाले सपनी जुनीमा

मादलुको तालमा बाँसुरीको सुरमा

सु्स्केरामा गीत भरी रमाइलो रातमा

बारीको आलीमा सुनसान रातमा

बोल्छ चरी छेउको ऐंसेलु घारीमा

पार्यो छिया मायाले सपनी जुनीमा

चिसो चिसो बतासमा खोलाको तीरमा

नाची नाची घुम्छ को हो आँखाको नानीमा

30.  PHULA TIPERA MAYAKO CHADAUDAI CHU

Music: Bhupendra Rayamajhi

Lyrics: Shailesh Acharya

फूल टिपेर मायाको चढाउँदैछु मायालुलाई

गम्किन्छ सुबास अवश्य एकदिन त्यो मुटुको अन्तर भित्र

धुन बुनेर हृदयको मायाको सुनाउँदैछु मायालुलाई

बज्नेछ गीत अवश्य एकदिन त्यो मुटुको अन्तर भित्र

मायालाई मेरो उपहास गर्ने मायालु तिमी अबोध छौ

जल्नेछ ज्योति एकदिन त्यो मुटुको अन्तर भित्र

ढुकढुक गर्ने छातिमा तिम्रो आज अर्कै सरगम छ

बज्नेछ धुन अवश्य एकदिन त्यो मुटुको अन्तर भित्र

रित्ता छन तिम्रा सपना सारा आँखामा पर्दा लागेका छन्

भर्नेछ रंग अवश्य एकदिन त्यो मुटुको अन्तर भित्र

31.  UKALIMA KALLE GAYO GEETA SUNA RE

उकालीमा कल्ले गायो गीत सुन रे

एकै स्वर एकै लहर बाटो हिंड रे

डाँडामाथि गोरेटो छ बनको किनारामा

त्यो गीतले जरा हाल्यो मेरो हियारमा

भावनाका फूल तिम्रा फूल उन रे

एकै स्वर एकै लहर बाटो हिंड रे

तरतर खसेका छन् पसीनाका धारा

लेकमाथि झुल्केका छन् नेपालका तारा

नयाँ नेपाल बनाउने यिनै हुन रे

एकै स्वर एकै लहर बाटो हिंड रे

32.  HRIDAYA RINGAYERA BACHA JAB MADALA

हृदय रिंगाएर बज्छ जब मादल

देख्छु कुना कोरेको कान्छीको गाजल

पल्लो घर भाले जब बास्दछ भोरमा

संझन्छु कान्छी तिमी मनकै कुनामा

बसन्तको फूल जब फूल्दछ बनमा

संझन्छु कान्छी तिमी मनकै कुनामा

कोयलीले बोल्छ जब बसेर रुखमा

संझन्छु कान्छी तिमी मनकै कुनामा

पहराको खस्छ जब छहरा भीरमा

संझन्छु कान्छी तिमी मनकै कुनामा

33.  HRIDAYA MA BAATA HUNCCHAN

Lyrics: Kanchan Pudasaini  M: Nhyu Bajracharya

हृदयमा बाटा हुन्छन्  त्यही पनि भेट हु्न्छ

एकान्तमा बढ्दै जाने संझनाको बोट हुन्छ

आफन्तले दूख पाए पीर लाग्छ त्यसै पनि

त्यसैले म आउँदछु  तिमीलाई हेरुँ भनी

राम्रो थियो बानी तिम्रो अनुहार पनि राम्रो

देखाएरै हिँडु जस्तो माया प्रीति थियो हाम्रो

तिम्रो माया लागेकै छ अर्कै घर रोजे पनि

त्यसैले म आउँदछु  तिमीलाई हेरुँ भनी

मेरो एउटा साथी भेट्दा  तिमी बोल्नै सकिनौ रे

रातभरि बत्ती बाली एक्लै रोए जस्ती छौ रे

न्याय भन्ने कुरो सधैं पाइँदैनँ घरमा पनि

त्यसैले म आउँदछु  तिमीलाई हेरुँ भनी

34.  KOYELI GAUNLA  BAN GUNJAULA

BACHHU KAILASH       SHYAM DAS BAISNAB

कोयली गाउँला  बन गुञ्जाउँला

हाय हाय हाय

निष्ठुरीको संझनालाई संझाई

मन मेरो रुवाऊँला

हाय हाय हाय

गइ गइन् निठुरी बन्दै

बिहानी आउँला घामले चियाउँला

निठुरी को चालामाला देखाई मन मेरो रुवाऊँला

लौ न लौ  गइ गइन् बन्धन बन्दै

हाय हाय गइ गइन् निठुरी बन्दै

जुनेली छाउँला न्याऊली गाउँला

....को भावनाले जिस्क्याउँदै नजर लगाऊँला

लौ न लौ  गइ गइन् बन्धन बन्दै

हाय हाय गइ गइन् निठुरी बन्दै

Bachhu Kailash has sang 40 songs, lyrics which are not included here are Bho bho naro jureli chari, Bipanika Sara katha, Maya Chha hai, Naam Chhan sayou and Pardesh jaane, Titari pankhi and Larke joba gayena.